Rreth 50 hektarë pyje janë kapluar nga zjarri në parkun Kombëtar, Bjeshkët e Nemuna.
Zjarri ka filluar tash e tre ditë në Shtupeq të Madh, përveç zjarrfikësve, për të shuar zjarrin kanë dalë edhe FSK-ja e KFOR-i.
Zjarri është nën kontroll, kanë treguar zjarrfikësit.
Terreni i vështirë e bën pothuajse të pamundur fikjen e zjarrit, sipas drejtorit të Shërbimit Emergjent. Për këtë arsye, KFOR-i ka ndihmuar me helikopterë.
Përkundër hapësirës së gjerë që u përfshi nga flakët, banorët e Shtupeqit kanë mbetur të paprekur.
E shkaktari i këtij zjarri po dyshohet të jetë faktori njeri.
Gjatë së shtunës, ekipet e shërbimit emergjent kanë vazhduar punën e tyre në fikjen e zjarrit, edhe gjatë orëve të pasdites.
© KOHA. Të gjitha të drejtat janë të rezervuara.
