Helmimi i më shumë se 1 mijë e 500 qytetarëve në Komunën e Deçanit ka kthyer vëmendjen e të gjithëve tek uji.
Kjo çështje mori fokusin edhe në komisionin për Ekonomi, ku si rrallëherë ishin të ftuar 8 persona për të diskutuar për çështjet e ujit në vend.
Drejtori i kompanisë se ujësjellësit, Hidrodrini, ka treguar për rrjedhën e ngjarjes në Deçan dhe sipas tij, janë duke punuar për të gjetur shkaktarin kryesor të gjithë kësaj.
“Lajmi i fundit është se mostrat në rezorvarin e Drenocir janë dalë me esheria col. këtu kam kërkuar zyrtarisht që mostrën e marr direkt në rezervar. është e komplikuar me e marr mostrën e kanë marr tek shpërlarësi”, ka deklaruar Agron Digani nga KRU Hidrodrini.
Por, kritika të shumta rreth situatës së drejtuar në Deçan, patën deputetët.
“Mungesa e cilësisë së ujit nuk është hera e parë në 2013 në komunën e klinës ikshp gjen se keni pasur probleme me ujin sa herë keni nevojë ju me kuptu që me ujë nuk ka hajgare. pse duhet gjakova e prishtina me pas laboratore dhe ju mos me pas, ju nuk keni laborator të cilësisë, sa dekada ju duhet për me pas laborator të cilësisë”, ka thënë Armend Muja, deputet i LVV-së.
Deputeti i AAK-së, Pal Lekaj, e ka quajtur neglizhencë të gjithmbarshme.
Ndërkohë, Fahrije Morina nga Autoriteti Rregullator për Shërbimet e Ujit, ka thënë se është tejet e rëndësishme që të dihet shkaku për atë që ka ndodhur në Deçan.
“Rasti i Deçanit është shumë e rëndësishme që të dimë edhe shkakun, sepse kjo ka ndikim në të gjithë Kosovën sepse humbet kualiteti i ujit. Kërkoj që të ketë një plan urgjent që të dimë se si të veprojmë në situata të tilla”, tha ajo.
Reduktimet e shpeshta të ujit, problemet me cilësinë e ujit, faturat e lëshuara paushall kanë qenë vetëm disa nga çështjet që janë diskutuar për më shumë se 3 orë me përfaqësuesit e kompanive të ujësjellësit që operojnë në tërë Kosovën
“Gjendja nuk është e mire jo vetëm në podujeve sepse gjatë javës që shkoj temperaturat ishin të larta dhe ne si ndërmarrje që kemi ndryshuar oraret e inspektimeve”, ka thënë Sokol Xhafa nga KRU Prishtina.
Në këtë komision u diskutua edhe për vërshimet nga reshjet e fundit.
© KOHA. Të gjitha të drejtat janë të rezervuara.
