Video

Gjykata Themelore dënon Zoran Vukotiqin me 10 vjet burgim

Me dhjetë vjet burgim është dënuar Zoran Vukotiq për krime lufte gjatë luftës së fundit në Kosovë.

Vukotiqi si pjesëtar i forcave policore të njësisë rezervë në muajin maj të vitit 1999 në Komunën e Vushtrrisë kishte marrë pjesë në dëbimin e popullatës civile shqiptare, në kryerjen e dhunës fizike dhe psikike dhe veprimeve të tjera çnjerëzore.

Sipas Qendrës Kosovare për Rehabilitimin e të Mbijetuarve të Torturës, ky është rasti i parë që dikush dënohet me një dënim të tillë nga gjykatat kosovare.

Sebahete Pacolli-Krasniqi nga QKRMT ka thënë se dënimi prej 10 vjetëve është i vogël, por që, sipas saj, është një hap i mirë.

“Emocionet tona janë të jashtëzakonshme pavarësisht që ndoshta është vonë, pavarësisht që ndoshta dënimi nuk është ne nivelin e merituar që ne mendojmë se dueht të ishte, megjithatë për neve kjo paraqet le ta themi fillimin e një etape më të mirë ku drejtësia do të shënojë edhe më shumë raste të tilla të triumfit të saj karshi krimeve të kryera gjatë luftës”, ka thënë Sebahate Pacolli-Krasniqi.

Shyhrete Tahiri, e mbijetuar e luftës, deklaroi se me këtë dënim ka filluar një epokë e re për viktimat e dhunës seksuale.

“Me të vërtetë sot është një ditë apo një epokë e re për gjitha neve të mbijetuarve të luftës, ndoshta edhe prej emocioneve që kam sot edhe fjalët janë humb janë tretë. Sot fillon epoka e re për neve drejhësi për shpirtin tonë dhe muj me thanë lirisht për kriminelin që është në qeli edhe ai do ta fillojë një epokë të re për veti”, ka deklaruar Tahiri.
Ndërsa Fatmire Haliti, juriste në QKRMT, ka thënë se dënimi prej dhjetë vjetësh nuk është i mjaftueshëm.

Ajo ka paralajmëruar ankesë në Gjykatën e Apelit.

05:15-05:28 “Një krim i tillë i rëndë që ju ka bërë viktimës meriton shumë ma shumë se 10 vite burgim. Ne do ti paraqesim ankesat tona sa i përket dënimit”, ka potencuar Haliti.

Gjatë ditës ka pasur reagime të shumta për dënimin e Vukoviqit, ndër ta ka qenë edhe ministrja e Drejtësisë, Albulena Haxhiu, e cila ka mirëpritur dënimin e tij.