Video

Ministri i Shëndetësisë paralajmëron se vaksinimi masiv do të nisë nga 15 qershori

1
 

Derisa Kosova është në pritje edhe të një kontingjenti tjetër me vaksina kundër COVID-19, donacion nga BE-ja, ministri i Shëndetësisë, Arben Vitia, ka premtuar vaksinim masiv nga muaji tjetër. Vitia, në seancën e Kuvendit të Kosovës, ka thënë se janë në fazën finale për nënshkrimin e kontratës për blerje të vaksinave. MSH-ja, tashmë u ka kërkuar komunave që të jenë në gatishmëri për shtim të kapaciteteve për vaksinim.

Fillimin e vaksinimit masiv për qytetarët e Kosovës, nga 15 qershori e ka paralajmëruar ministri i Shëndetësisë, Arben Vitia.

Në seancën e Kuvendit të Kosovës, të mbajtur këtë të enjte, Vitia ka thënë se janë duke e hartuar një plan në lidhje me këtë dhe, sipas tij, deri në fund të vitit, do të vaksinohet rreth 60% e popullsisë.