Video

Vaksinat vijnë në shkurt, deri në 20 mijë qytetarë pritet të vaksinohen brenda ditës

1
 

Në një konferencë për media, krerët e institucioneve thanë se janë të gatshëm që të fillojnë me vaksinimin dhe se kanë përgatitur një strategji për këtë, e cila do të votohet së shpejti në Qeveri. Kryeministri Avdullah Hoti ka thënë se parashohin t’i testojnë 20 mijë persona në ditë, derisa ministri i Shëndetësisë, Armend Zemaj, nuk ka folur për lidhjen familjare që ka me punonjësin e IKSHPK-së për ryshfet

Prishtinë, 6 janar - Në kohën kur po parashikohen të mbahen zgjedhjet e jashtëzakonshme në Kosovë, pritet që të mbërrijë edhe vaksina kundër COVID-19. Kryeministri i Kosovës, Avdullah Hoti, ka thënë se Kosova deri tash ka arritur marrëveshje për gati dy milionë doza të vaksinave anti-COVID dhe se parashikojnë të vaksinojnë rreth 20 mijë persona në ditë. Në një konferencë për media, Hoti ka thënë se 535 mijë vaksina janë konkretizuar nga marrëveshja me kompaninë “Pfizer”, 600 mijë të tjera me Austrinë dhe me programin COVAX rreth 720 mijë vaksina.