Një person 33-vjeçar nga Komuna e Malishevës është në mesin e 4 të vdekurve si pasojë e COVID-19 gjatë 24 orëve të fundit në Kosovë. Me këtë, numri i përgjithshëm i vdekjeve ka shkuar në 1 mijë e 340.
Ndërkohë që për dallim prej një dite më parë, nga 1 mijë e 294 mostra të testuara, 229 persona kanë rezultuar pozitivë.
Gjatë kësaj periudhe janë shëruar ndërkaq 363 pacientë, derisa numri i përgjithshëm i të shëruarve deri më sot është mbi 42 mijë e 200.
Por, vetë qytetarët daljen në sheshe e lidhin me ambientin e hapur, duke kërkuar nga institucionet t’i inspektojnë hapësirat e mbyllura, pasi që, sipas tyre, aty nuk po respektohen masat.
Në anën tjetër, gjatë së shtunës, në klinikat e QKUK-së e në spitalet regjionale kanë marrë trajtim 450 persona, prej të cilëve 281 tashmë të konfirmuar me COVID-19.
Sipas raportit të SHSKUK-së, 307 pacientë janë duke u trajtuar me oksigjeno-terapi, e 12 janë në respiratorë.
© KOHA. Të gjitha të drejtat janë të rezervuara.
