Pushteti do të tentojë për të gjashtën herë që ta kalojë Projektligjin për rimëkëmbje ekonomike.
Pesë herë votimi i këtij Projektligji ka dështuar pasi që deputetët e opozitës kanë refuzuar që të marrin pjesë në votim.
I njëjti nuk pritet që të kalojë, pasi që vota e 61-të që shumicës i duhet për këtë ligj, është ajo e deputetit Etem Arifi, i cili gjendet në burg.
Sipas kryetares së Kuvendit, Vjosa Osmani, për moskalim të këtij ligji fajet i ka Qeveria e kryeministrit Avdullah Hoti, raporton KOHA.
në një konferencë për media, të mbajtur pas mbledhjes së Kryesisë, ka folur edhe për mocionin e mosbesimit për Qeverinë, të iniciuar nga Vetëvendosja.
Ajo ka thënë se qëndrimi i saj do të bëhet i ditur nëse mocioni vjen në seancë.
Ndërkohë, që nënkryetarja e Kuvendit, deputetja e Vetëvendosjes, Arbërie Nagavci, ka bërë thirrje që mocioni të përkrahet.
Përveç vazhdimit të seancës, Kryesia ka vendosur që të enjten të mbahet edhe një seancë e re, ku në rend dite janë disa marrëveshje ndërkombëtare, projektligje e raporte vjetore të institucioneve të ndryshme.
Anëtarët e Kryesisë kanë diskutuar edhe për mundësinë e organizimit të një seance për ditën e premte, në të cilën, për 100-ditëshin e qeverisjes pritet të raportojë kryeministri Hoti.
© KOHA. Të gjitha të drejtat janë të rezervuara.
