Vetëm rreth 20 për qind e të testuarve ditën e fundit në Kosovë kanë rezultuar pozitivë me COVID-19.
Nga 457 persona që kanë kryer testin, 92 kanë dalë të infektuar me virusin.
Kurse, 7 persona kanë vdekur, duke e çuar në 563 numrin e të vdekurve.
Gjithashtu, janë shëruar më shumë persona se që janë infektuar, gjithsej 115, raporton KOHA.
Sipas institucioneve shëndetësore, 63 persona janë duke u trajtuar në Klinikën Infektive dhe gjendja e tyre është e rëndë.
Në mesin e të infektuarve ka edhe mjekë e infermierë, ka thënë Drejtoresha e Klinikës Infektive, Lindita Ajazaj-Berisha, ku një është duke e marrë trajtimin në klinikë dhe 4 në shtëpi.
Mbi 14 mijë raste pozitive me koronavirus janë aktualisht në Kosovë që nga nisja e pandemisë në muajin mars dhe mbi 10 mijë janë shëruar nga 54 mijë të dyshuar.
Në 24 orët e fundit me raste pozitive sërish prin Prishtina me 39, Prizreni me 10 dhe Gjakova me 9 raste.
Ndërkohë, të shtunën është mbledhur Komiteti për koordinimin dhe vlerësimin e situatës emergjente me COVID-19, ku ka ardhur në përfundim se aktualisht nuk do të ketë lehtësim të masave.
-
Nga: Arbnora Luta
-
6 shtator 2020 21:16
-
Shpërndaje në: