Video

IKSHPK-ja kryente më shumë testime kur laboratorët privatë s’ishin licencuar

9 persona të prekur me COVID-19 kanë vdekur në 24 orët e fundit.

Sipas raportit të Institutit të Shëndetësisë Publike, në Kosovë kanë rezultuar pozitivë edhe 120 pacientë e 122 janë shëruar.

Megjithëse numri i të prekurve është ulur, numri i testimeve që kryhen në IKShPK ka rënë.

Në 24-orëshin e fundit janë testuar 452 mostra nga IKShPK-ja dhe nga laboratori privat.

Siç ka mësuar KOHA, laboratori “Medical &Laboraty Services” brenda ditës po i kryen rreth 50 teste, të cilat po përfshihen në shifrat zyrtare.

Por në fillim të gushit, kur ende laboratorët privatë s’ishin licencuar për testime, brenda ditës kryheshin mbi 500 teste.

Më 12 gusht, IKShPK-ja për 24 orë pati testuar 521 persona.

Ministri Zemaj gjatë ditës ka vizituar Klinikën e Anesteziologjisë dhe Mjekimit Qendror. Ka thënë se kësaj klinike nuk i mungon asgjë.

Megjithatë, siç ka raportuar KOHA, kjo klinikë nuk mund t’i shfrytëzojë 14 nga 27 shtretërit për shkak të problemeve me oksigjenim.

Nga fillimi i pandemisë në Kosovë kanë rezultuar pozitivë 13. 454 raste, nga to 525 persona kanë vdekur, 3334 janë raste aktive, ndërsa mbi 9 mijë persona janë shëruar.