Video

Hoti thotë se s’ka nevojë për platformë për dialogun, kritikohet nga opozita e AAK-ja

Qeveria e Kosovës nuk ka platformë për dialogun mbi të cilën do t’i zhvillojë bisedimet me Serbinë.

Kryeministri Avdullah Hoti, në raportimin e tij të parë në Kuvend që nga kthimi nga Brukseli, ka thënë se platformë e tij është Kushtetuta e Kosovës.

Përfaqësimin e kreut të Qeverisë në bisedimet me Serbinë, të rinisura më 16 korrik, e kritikuan partitë në opozitë, por e lavdëruan nga partia e tij, LDK-ja.

Kritikat ndaj kryeministrit Hoti nuk i kurseu as partneri qeverisës, AAK-ja.

Debati mes kryeministrit e partive në opozitë u ashpërsua pasi Hoti tha se për dialogun është në koordinim të brendshëm me partnerët ndërkombëtarë.

Përplasjet nuk përfunduan me kaq. Koordinatorin shtetëror për dialogun, deputetja e Vetëvendosjes, Fitore Pacolli, e quajti “marionetë” të presidentit Hashim Thaçi.

Paraprakisht, për procesin e dialogut, kryeministri Avdullah Hoti ka njoftuar edhe presidentin Hashim Thaçi.