Pa maska e dorëza, e pa mbajtur distancë sociale, qytetarë të shumtë kanë vërshuar rrugët kryesore të Gjakovës.
Në ditën kur ka filluar faza e dytë e lehtësimit të masave, është parë një situatë normale në këtë qytet, e edhe sektori i gastronomisë ka filluar punën.
Ndonëse nuk kanë dashur të flasin para kamerës, pronarë të bizneseve, të cilat kanë filluar punën këtë të hënë, kanë thënë se interesimi i qytetarëve është shumë i vogël, por që janë kujdesur për të marrë të gjitha masat e nevojshme, raporton KOHA.
E vetë qytetarët kanë mirëpritur lehtësimin e masave nga ana e Ministrisë, dhe thonë se janë duke respektuar rekomandimet e institucioneve shëndetësore.
© KOHA. Të gjitha të drejtat janë të rezervuara.
