Ambasada amerikane dhe zyra e Grenellit insistojnë në heqjen e taksës ndaj Serbisë

13 February 2020 09:19

Zyra e Richard Grenellit ka mohuar se do të ndalen investimet amerikane në Kosovë, nëse vazhdon të mbesë në fuqi taksa ndaj produkteve serbe, por edhe nëse vendoset masë reciprociteti.

Por, në një përgjigje për Kohavisionin, zëdhënësi i të dërguarit special të presidentit Donald Trump, ka thënë se taksa e vendosur nga ish-kryeministri Ramush Haradinaj, është duke dëmtuar bizneset amerikane në Kosovë.

"Ambasadori Grenell gjithmonë e ka sqaruar se tarifat dëmtojnë ekonominë e Kosovës dhe i dërgojnë një mesazh të tmerrshëm komunitetit të sektorit privat se Kosova nuk është një vend për të zhvilluar një biznes. Ai ka dëgjuar nga shumë pronarë biznesesh brenda Kosovës, përfshirë disa ndërmarrje amerikane, se tarifat po dëmtojnë shumë fitimet e tyre”, thuhet në përgjigjen e zëdhënësit të Grenellit.

Më tutje, Dick Custin, thotë se zëvendësimi i taksës me reciprocitet nuk do të krijojë vende të reja të punës.

© KOHA. Të gjitha të drejtat janë të rezervuara.

Të ngjashme