Djali i çiftit të vrarë në Prizren është në kërkim nga Prokuroria

24 January 2020 08:40

A. H., 35-vjeçar, djali i çiftit që u gjet i vdekur të mërkurën në Prizren, është në kërkim në lidhje me vrasjen e tyre.

Prokuroria Themelore në Prizren ka konfirmuar për KTV-në dyshimet në drejtim të të cilave po punon.

Kryeprokurori i Themelores në këtë qytet, Admir Shala, ka thënë se A. H. ka qenë duke jetuar së bashku me çiftin dhe se në ditën kur janë gjetur trupat, nuk është gjetur aty. Ai thotë se djali i çiftit mund të ketë dalë përmes Maqedonisë së Veriut në Greqi. 

Shala ka thënë se derisa nuk dihet vendndodhja e tij, nuk mund të japë detaje.

Tutje, ai ka thënë që me gjetjen e djalit të çiftit, do të mund të zbardhen të gjitha në lidhje me këtë rast.

© KOHA. Të gjitha të drejtat janë të rezervuara.

Të ngjashme