Disa të vdekur e mijëra të zhvendosur në Filipine, shkaku i fatkeqësisë natyrore

03 December 2019 20:45

Disa persona kanë vdekur, si pasojë e një tajfuni i cili goditi Filipinet. Era e fuqishme dhe vërshimet po ashtu, kanë detyruar autoritetet të anulojnë qindra fluturime dhe të evakuojnë mijëra banorë.

Tajfuni Kammuri ka prekur Filipinet të martën. Përpos viktimave, edhe dëmet materiale janë të mëdha shkaku i erës, transmeton KTV. Në mesin e viktimave në Filipine janë dy banorë të cilët kishin injoruar thirrjet për evakuim.

Ata vdiqën në Mindoro, nga drunjtë që u rrëzuan. Një person raportohet se vdiq, shkaku i rrymës. Rreth 500 fluturime mes tjerash, janë shtyrë e 225 mijë njerëz janë evakuuar para se stuhia të godiste vendin.

Kammuri është tajfuni i 20-të i cili preku vendin këtë vit, me erë deri në 150 kilometra në orë.

© KOHA

Të ngjashme