Një tjetër takim ndërmjet kryetarit të Lëvizjes Vetëvendosje Albin Kurti, dhe atij të LDK-së, Isa Mustafa, është zhvilluar këtë të shtunë në Kuvendin e Kosovës.
Në takimin i cili zgjati më shumë se një orë, dy liderët u pajtuan për çështjen e kabinetit qeverisës me 12 ministri, raporton KTV.
Pas përfundimit të takimit, ata nuk pranuan të deklarohen për media, por në një komunikatë të përbashkët, thanë se u saktësua principi i zgjidhjes, e që përfundimisht, do të përmbyllet të hënën me marrëveshje.
“Në këtë takim u përmbyll 100% harmonizimi i programit qeverisës, duke u pajtuar për të gjitha çështjet e hapura. Nga dy modalitetet e ndryshme për kabinetin qeverisës me 12 ministri, që i kishin ofruar ekipet punuese të dy subjekteve tona, Kurti dhe Mustafa u përcaktuan për versionin e parë. Në vijim do të përzgjidhen përgjegjësitë në qeverisjen e përbashkët, për çfarë u sqaruan pozicionet dhe kërkesat”, thuhet në njoftim.
Mustafa e Kurti u takuan pas finalizimit të programit qeverisës mes grupeve punuese të dy subjekteve politike, të cilat mbajtën një varg takimesh pas zgjedhjeve të 6 tetorit.
Derisa certifikimi i rezultateve ku shumicën e votave Vetëvendosje e LDK-ja, u bë pas më shumë se 2 muajsh e gjysmë.
© KOHA. Të gjitha të drejtat janë të rezervuara.
