IKD: Kosova humb miliona nga parashkrimi i lëndëve kundërvajtëse

09 November 2019 19:14

Rreth 70 mijë lëndë për kundërvajtje janë parashkruar, derisa vendi ka humbur mbi 2 milionë euro si pasojë e kësaj.

Instituti i Kosovës për Drejtësi, të shtunën ka prezantuar raportin e titulluar “Amnistia e ligjshme e milionave të kundërvajtjeve”, raporton KTV.

Sipas raportit, gjykatat themelore në tërë Kosovën kanë efikasitet të ulët në trajtimin e këtyre lëndëve.

E kjo, sipas tyre, ka çuar edhe në shpenzime të buxhetit.

Ndonëse ligji i ri për kundërvajtjen ka ndikuar në zvogëlimin e lëndëve të tilla në gjykata, IKD-ja vlerëson se i njëjti ka mangësi.

Ndërkaq, u rekomandua efikasitet më i madh nga gjyqtarët që të evitohet parashkrimi i lëndëve.

Mungesa e transparencës nga gjyqësori ishte çështje tjetër e përmendur në raport. Sipas Betim Musliut nga Instituti i Kosovës për Drejtësi, kjo ndikon edhe në uljen e besimit nga ana e qytetarëve, karshi organeve të drejtësisë. Sipas raportit, gjobat më të shpeshta për kundërvajtje janë nga ana e policisë.

© KOHA. Të gjitha të drejtat janë të rezervuara.

Të ngjashme