Nisma s’e pranon rezultatin, do rinumërim të tërësishëm e anulim të votave nga Serbia

07 November 2019 19:15

I papranueshëm është rezultati i zgjedhjeve të 6 tetorit për Nismën Socialdemokrate të Fatmir Limajt.

Për rezultatet përfundimtare që e lënë jashtë Kuvendit të Kosovës, subjekti i tij do të shfrytëzojë të drejtën për ankesë.

Duke i quajtur të fabrikuara rezultatet e publikuara nga KQZ-ja, nga koalicioni Nisma-AKR-PD kanë thënë se do të kërkojnë rinumërim të votave.

Për shoqërinë civile, këto rezultate janë mesazh i qartë që në Kosovë nuk ka vend për parti të vogla.

Sipas tyre, as Nisma Socialdemokrate e as AKR-ja, ndonëse ishin në qeverisje, nuk treguan rezultate konkrete.

Sipas rezultateve përfundimtare të shpallura nga KQZ-ja, Nisma Socialdemokrate, e cila në zgjedhjet e 6 tetorit ishte në koalicion me AKR-në dhe PD-në, nuk ka kaluar pragun zgjedhor, pasi ka marrë vetëm 4.98 për qind të votave.

© KOHA. Të gjitha të drejtat janë të rezervuara.

Të ngjashme