Kurti: Brenda një muaji, marrëveshja me LDK-në

21 October 2019 15:17

Kryetari i Vetëvendosjes dhe i nominuari për kryeministër, Albin Kurti ka thënë se brenda 1 muaji pritet të arrihet marrëveshja me LDK-në për koalicionin qeverisës.

Në një intervistë për gazetën britanike “The Guardian”, Kurti thotë se prioritet i tij është punësimi dhe drejtësia, e jo marrëveshja me Serbinë, raporton TV Arta.


Lexoni edhe: 

Kurti për “The Guardian”: BE-ja po frikësohet nga fashizmi


“Na duhet të prodhojmë Eliot Nessin tonë, dhe ai duhet të bëhet njeriu më i famshëm në vend”, tha ai duke iu referuar agjentit amerikan, i njohur për luftën e tij dhe një ekipi policësh kundër Al Capones.

“Janë gati 200 prokurorë, por disa prej tyre nuk kanë njohuri e disa nuk kanë guxim, por disa të tjerë s’i kanë asnjërën. Ata duhet të çlirohen nga shteti”, ka shtuar Kurti. Ai ka shtuar se fillimisht duhet dialog me serbët e Kosovës, rishikim i marrëveshjeve të arritura me Serbinë e pastaj takim me Josep Borrellin, shefi i ri i politikës së jashtme të BE-së.

Ai thotë se është i interesuar për stilin e Britanisë së Madhe rreth pasurisë së pashpjegueshme dhe për një proces të ri vetingu të drejtuar nga një kryeprokuror dinamik.

© KOHA. Të gjitha të drejtat janë të rezervuara.

Të ngjashme