Kandidati për kryeministër nga Lëvizja Vetëvendosje, Albin Kurti, është shprehur i bindur se do të fitojë në zgjedhjet e 6 tetorit, madje edhe me përqindje dukshëm më të thellë se subjektet e tjera politike.
Barrën për koalicionin e mundshëm paszgjedhor, Kurti ia ka hedhur LDK-së, pasi, sipas tij, Vetëvendosje ka ofruar marrëveshje parazgjedhore, raporton KTV.
Ai, madje, ka kritikuar LDK-në se është frikësuar nga PDK-ja, andaj pavarësisht dëshirës, ka refuzuar koalicionin parazgjedhor.
Në debatin “Fol hapur”, Kurti ka bërë të ditur disa nga pikat e plan-programit të Vetëvendosjes për zgjedhjet e parakohshme, derisa është fokusuar në drejtësi, ekonomi, arsim dhe shëndetësi.
Ndër tjerash, kandidati për kryeministër nga Vetëvendosje, Albin Kurti, ka paralajmëruar zvogëlimin e numrit të posteve në Qeveri, si dhe mbylljen e Agjencisë Kosovare të Privatizimit.
-
17 shtator 2019 19:05
-
Shpërndaje në: