Sivjet janë asgjësuar 300 mijë kg produkte ushqimore të dyshimta

25 August 2019 13:53

Agjencia e Ushqimit dhe Veterinarisë e Kosovës ka asgjësuar mbi 300 mijë kilogramë produkte ushqimore të dyshimta për konsum, gjatë këtij viti.

Zëdhënësi i AUVK-ut, Lamir Thaçi, tha për Ekonomia Online se inspektorët e angazhuar janë në terren për të bërë kontrolle të operatorëve ekonomikë, ashtu që produktet që nuk i përmbushin kushtet për konsum të mos bien në duart e konsumatorëve.

Thaçi thotë se këtë vit ka pasur vetëm një rast të paraqitur si të dyshuar për produkte të cilat kanë sjellë helmim te njerëzit. Për këtë ai shton se kanë paraqitur fletëparaqitje në gjykatë për të rezultuar me mbylljen e operatorit i cili ka bërë shkelje të ligjit.

© KOHA. Të gjitha të drejtat janë të rezervuara.

Të ngjashme