Procesi i përzgjedhjes së noterëve të rinj nga Ministria e Drejtësisë u kritikua shumë për parregullsi, politizim, madje u kërkua edhe anulimi i tij.
Megjithatë, e pandalshme në këtë proces të nisur kohë më parë, është treguar Ministria e Drejtësisë, duke përfunduar kështu pjesën e parë të intervistimit të kandidatëve për noterë, raporton KTV.
Kandidatët janë shprehur të kënaqur me intervistimin nga komisioni.
Drejtori i Departamentit Ligjor, njëkohësisht edhe anëtar i komisionit për intervistim, Ardian Bajraktari, ka thënë se ky proces nuk ka pasur parregullsi, ka filluar kohë më parë dhe askush nuk do të jetë peng i proceseve politike.
Ai ka shtuar se nuk ka ndonjë vendim të institucioneve kompetente që e konteston këtë proces, andaj sipas Bajraktarit, ky proces është i bazuar në ligj.
përfundimit të intervistimit, komisioni i propozon Ministrit në dorëheqje, Abelard Tahiri, kandidatët që plotësojnë kriteret, pastaj ky i fundit do të bëjë emërimin e tyre.
Nga 168 kandidatë, gjysma janë intervistuar të shtunën ndërsa pjesa tjetër do të vazhdojë të dielën, për 79 vende të lira për noterë.
-
17 gusht 2019 22:11
-
Shpërndaje në: