Në ditën e Kurban Bajramit bëhet thirrje për respektim e të drejtave të grave

Në orën 6 e 15 në Xhaminë e Madhe në Prishtinë, është falur namazi i Kurban Bajramit, aty ku qytetarë të shumtë madje edhe jashtë xhamisë, në rrugë, kanë kryer faljen e namazit.

Zëvendës Myftiu i Kosovës, Reshat Mexhiti, tha se sot, besimtari mysliman po feston festën e cila përçon mesazh paqeje, tolerance e harmonie mes njerëzve.

Mexhiti ka ftuar për unitet, qytetarët e vendit e po ashtu, edhe spektrin politik, që të gjithë së bashku ta mbrojnë dhe të punojnë për të ardhmen e Kosovës.

Ai thotë se ndihet i shqetësuar për respektim minimal të të drejtave të grave, ndaj, ka kërkuar që të luftohen sjelljet e këqija ndaj grave e të punohet edhe më shumë në respektimin e të drejtave të grave.