Pikë kthese në procesin e dialogut është cilësuar aktgjykimi i Gjykatës Kushtetuese, lidhur me kushtetutshmërinë e Ligjit për Delegacionin Shtetëror.
Kështu vlerëson Instituti Demokratik i Kosovës, sipas të cilit aktgjykimi i kushtetueses
përcakton të gjitha kompetencat e institucioneve kushtetuese dhe si i tillë cenon parimin e ndarjes së pushtetit
Në një konferencë për media u tha se KDI-ja ka kërkuar vazhdimisht që spektri politik të arrijë marrëveshje për çështjen e dialogut, duke e mirëpritur çdo nismë që do e kthente diskutimin në Kuvend.
Krasniqi shtoi se roli i Delegacionit ka qenë i kufizuar si brenda, ashtu edhe jashtë vendit në takimet me krerët ndërkombëtarë, dhe se ka pasur mungesë të theksuar të transparencës karshi Kuvendit.
KDI-ja ka dhënë rekomandime në lidhje me fazën e ardhshme të Dialogut.
Theks të veçantë i vihet bashkëpunimit të presidentit me kryeministrin, që sipas Krasniqit, të cilët duhet të jenë në koordinim me njëri-tjetrin dhe të funksionojnë sipas përgjegjësive të tyre kushtetuese.
E, në fund u kërkua transparencë në fazën përmbyllëse të dialogut me presidentin dhe kryeministrin, si raportues kryesor para Kuvendit, dhe se Qeveria e Kuvendi duhet të zhvillojnë praktika të informimit qytetar lidhur me çdo zhvillim gjatë këtij procesi.
© KOHA. Të gjitha të drejtat janë të rezervuara.
