Video

Liderët premtojnë drejtësi për Mejën, Kosnetti thotë se masakrat nuk mund të mohohen

Dënim të krimeve ka kërkuar ambasadori amerikan në Kosovë, Philip Kosnett, i cili ka marrë pjesë në Akademinë përkujtimore në Mejë të Gjakovës.

Duke përmendur miqësinë mes SHBA-së dhe Kosovës, Kosnetti tha se mohimi i masakrave përdhos kujtimin e te vrarëve, duke ua rihapur plagët të gjallëve.

Akademia përkujtimore për masakrën e Mejës, i ka bërë bashkë liderët e shtetit. I pari i cili mori fjalën ishte presidenti i vendit, Hashim Thaçi, i cili përsëriti që Serbia ka kryer gjenocid në Kosovë.

Ndërkaq, shefi i ekzekutivit premtoi se familjet do të kenë përkrahje të duhur e të dinjitetshme institucionale.

Ndërkohë, i pari i Vetëvendosjes, Albin Kurti, ka takuar familjarët, duke thënë se e vërteta duhet të gjendet, duke u kërkuar përgjegjësia e fajësia.

Drejtësi për të vrarët në Masakrën e Mehës, ka kërkuar edhe kreu i LDK-së, Isa Mustafa.