Demonstrata e ‘89-ës: “Nënat tona nuk janë makina, por janë trimëresha, punëtore e heroina”

23 March 2019 20:00

Janë bërë 3 dekada, nga demonstrata e 23 marsit 1989, që ishte iniciativë e dy vajzave, atëherë vetëm 20-vjeçare.

Sanie Aliu, organizatore e kësaj demonstrate, tha se mbështetje ka gjetur nga të gjithë njerëzit, më së shumti nga gratë e vajzat, raporton KTV.

Pankartat e asaj periudhe “ Jetën e japim, Kosovën, s’e japim”, “Nënat tona nuk janë makina, por janë trimëresha, punëtore e heroina” janë kujtuar pas 30 vjetësh.

Kryetari i Kuvendit, Kadri Veseli, ka thënë se viti 1989, ishte vit i rëndë për Kosovën dhe se 30 vjet më vonë, Kosovës i duhen vendime të mençura e të guximshme politike.

Kreu i Vetëvendosjes, Albin Kurti, ndërkohë, ka thënë se në Serbi udhëheqin liderë të rrymës politike që mendojnë sikur në vitin 1989.

“Presidenti këtu te ne është nga ajo rrymë politike shqiptare që jep territor shteti për pushtet për vete. 1989: punësimi, me librezë partie. 2019: punësimi, me librezë partie dhe afri farefisnie”, ka shkruar Kurti në Facebook.

© KOHA. Të gjitha të drejtat janë të rezervuara.

Të ngjashme