Deputetët i kërkojnë ministrit Lekaj të vendoset standard në ndërtimin e autostradave

Ministri i Infrastrukturës, Pal Lekaj, ka raportuar para Komisionit për Zhvillim Ekonomik e Infrastrukturë, lidhur me planifikimin e projekteve infrastrukturore për vitin 2019.

Debatin më të madh, Lekaj me deputetët, e pati kur iu kërkuan sqarime për pagesën prej 53 milionë eurove për “Bechtel&Enkan”, raporton KTV.

Lekaj ka lënë fajtore qeverinë e kaluar për këto miliona pasi, sipas tij, sikur të ishte kryer projekti për 42 muaj, paratë nuk do të humbnin.

Vetëvendosje ka kritikuar Qeverinë, duke thënë se është duke e bankrotuar shtetin me investimet që po i bën në ndërtimin e autostradave.

Sipas ministrit, Autostrada e Dukagjinit do të nisë në tetorin e këtij viti dhe do të jetë e gjatë 95 kilometra.

Ndërkaq, pak deputetë e kanë dëgjuar raportimin e Lekajt. Madje, edhe ata që kanë bërë pyetje, janë larguar nga aty pa marrë përgjigje.