Qeveria e udhëhequr nga Ramush Haradinaj, ka vazhduar praktikën e shpërndarjes së mjeteve financiare, duke përfshirë edhe ato nga rezervat shtetërore.
Në Ligjin për Buxhetin, për vitin 2019, buxheti i rezervave shtetërore është 4 milionë e 800 mijë euro, raporton KTV.
Por, vetëm për dy muaj të këtij viti, me vendime të qeverisë, janë ndarë nga buxheti rezervë 1 milion e 400 mijë euro.
Këto shpenzime financiare të qeverisë, opozita i quan zhvatje të buxhetit të varfër të shtetit.
Për këtë çështje, LDK-ja, Vetëvendosje dhe Alternativa, kanë kërkuar seancë të jashtëzakonshme të Kuvendit.
Ndërkaq, deputetja e Vetëvendosjes, Arbërie Nagavci, thotë se qeveria duhet të japë llogari dhe përgjegjësi në Kuvend për shpenzimet e buxhetit.
Vetëm për shënimin e 11-vjetorit të pavarësisë, qeveria Haradinaj ka ndarë 500 mijë euro. Kjo nxiti reagime të shumta, duke u konsideruar si keqpërdorim i këtyre mjeteve financiare.
-
28 shkurt 2019 19:18
-
Shpërndaje në: