Vrasja në Ferizaj dyshohet se ndodhi për motive të hakmarrjes

20 shkurt 2019 19:08

M.A., 25-vjeçar, është vrarë në qendër të Ferizajt, të mërkurën rreth orës 13:00.

Autori i vrasjes së rëndë dyshohet se është Sh.R., 17-vjeçar.

Burime të afërta me rastin kanë treguar për KTV-në, se të dyja familjet ishin në hasmëri për një kohë dhe se ngjarja ka motive të hakmarrjes.

Qytetarë të shumtë kanë qenë dëshmitar të vrasjes dhe njëri prej tyre ka treguar se viktima është qëlluar tri herë.

Vetëm pak minuta pas ngjarjes, policia ka arritur që në afërsi ta arrestojë dorasin e mitur.

Në vitin 2017, një familjar i viktimës ishte dënuar me 15 vjet burgim nga Gjykata Themelore e Ferizajt, për vrasjen e S.R., familjar i të dyshuarit.

© KOHA. Të gjitha të drejtat janë të rezervuara.

Të ngjashme