Flet djali i pronarit që u lëndua nga shpërthimi në Ratkoc

19 January 2019 09:28

Një shpërthim i fuqishëm e ka tronditur të premtën mbrëma fshatin Ratkoc të Rahovecit.

Në këtë lokal, rreth orës 20:00 ka shpërthyer bombola gazi, e cila gjendej në bodrum.

Si pasojë së paku 10 persona që gjendeshin brenda lokalit janë lënduar, dhe janë transportuar me urgjencë në Spitalin e Gjakovës.

Kjo ka ndodhur edhe me organizime individuale dhe banorët janë larguar nga një dalje tjetër.

Djali i pronarit, i cili është në mesin e të lëndurave ka rrëfyer për KTV-në ngjarjen.

Mjeku kujdestar që ka trajtuar të lënduarit ka thënë se vetëm disa kanë mbetur në spital, për të trajtuar djegiet.

Policia kishte dalë menjëherë në vendin e ngjarjes.

Nga shpërthimi përvec lokalit të cilit i është shembur terasa, kanë pësuar edhe veturat në afërsi.

Kryetari i Rahovecit, Smajl Latifi ka dalë në vendin ku ndodhi shpërthimi, për t’u informuar me ngjarjen.

Gjelltorja ku ndodhi shpëthimi përdorte bombola të ngjashme gazi tash e 6 vjet.

© KOHA. Të gjitha të drejtat janë të rezervuara.

Të ngjashme