Me votat e Partisë Sociale-Demokrate, që është parti opozitare, ka kaluar buxheti i vitit 2019, i parashikuar të jetë në vlerë prej 2.3 miliardë euro.
Në votim morën pjesë deputetë të AAK-së, PDK-së, Nismës Social Demokrate, si dhe grupit 6+, por jo edhe ata të Listës serbe.
Shefi i grupit parlamentar i PSD-së, Dardan Sejdiu, ka kërkuar të plotësohen pesë kërkesa, raporton KTV.
Sejdiu ka kërkuar që Ligji për Pagat të miratohet në lexim të dytë, ligji për dialogun të miratohet në qeveri dhe të procedohet në kuvend, uljen e numrit të zëvendësministrave në dy, shkarkimin nga puna të Ministrit të Bujqësisë, si dhe formimin e një komisioni të veçantë për sistemin pensional, e që i njëjti të udhëhiqet nga PSD-ja.
Të gjitha këto kërkesa, kryeministri i vendit, Ramush Haradinaj, tha se do të marrin obligim t’i zbatojnë.
Po, këto kushtëzime të PSD-së, shefi i grupit parlamentar të LDK-së, Avdullah Hoti i ka quajtur thjesht maskime.
Përveç buxhetit, në rend dite ishin edhe 43 pika të tjera të mbetura nga mbledhjet e kaluara të kuvendit.
Prej tyre kanë arritur të miratohet 15 kryesisht projektligje në lexim të parë dhe dytë.
Ndërsa, miratimin nuk arriti ta marrë Projektligji për transmetuesin Publik të Kosovës.
E Zyra e Rregullatorit të Energjisë do të vazhdojë të jetë pa kryesues bordi, pasi kuvendi nuk e ka futur fare në rend dite.
© KOHA. Të gjitha të drejtat janë të rezervuara.
