Prishtina pësoi disfatë në xhiron e kaluar nga Drita, por është kthyer te fitorja të shtunën në xhiron e 12-të të Superligës.
Prishtina fitoi 1:0 në stadiumin “Zahir Pajaziti” në Podujevë ndaj Llapit, që krijoi shumë por nuk realizoi asnjë gol. Dhe kështu, ekipi i udhëhequr nga trajneri Tahir Batatina vazhdon krizën e rezultateve.
Sfidën e së shtunës e vendosi goli i Leotrim Kryeziut. Kapiteni i Prishtinës golin e parë të sezonit e realizoi në minutën e katërt, por ishte i vlefshëm për pikët e plota.
Prishtina në vendin e dytë i ka 26 pikë në 11 ndeshje, dhe me një ndeshje më pak të luajtur.
Llapi në pozitën e parafundit mbetet me pesë pikë.
