İran güvenlik şefi, İran'ın nükleer malzemesinin tek bir zerresinin bile ülke dışına çıkmadığını söyledi.

Irani nuk do të lejojë që as edhe një grimcë e materialit bërthamor të pasuruar të largohet nga territori i tij dhe do të ketë pasoja në rast të sulmeve të reja amerikane ndaj Republikës Islamike, ka deklaruar kreu i sigurisë iraniane, Mohsen Rezaei.

Në një intervistë për televizionin libanez pro-iranian Al Mayadeen, Rezaei ka thënë se çdo sulm i ri amerikan do të pasohej me goditje ndaj bazave të SHBA-së, edhe atyre që ndodhen larg Iranit.

Deklaratat e tij vijnë në kohën kur zyrtarët amerikanë kanë minimizuar nevojën për veprime të tjera ushtarake kundër Iranit. 

Analistët vërejnë se presidenti Donald Trump ka zbutur tonin që nga humbja e republikanëve në zgjedhjet e mesmandatit më 3 nëntor.

Rezaei ka deklaruar po ashtu se aktualisht nuk ka negociata mes Teheranit dhe Uashingtonit.

Ndërkohë, dy burime të larta iraniane kishin bërë të ditur në maj se lideri suprem i Iranit kishte dhënë udhëzime që uraniumi i pasuruar në nivele afër atyre të nevojshme për armë bërthamore të mos dërgohej jashtë vendit.

Agjencia Ndërkombëtare për Energjinë Atomike (IAEA) vlerëson se Irani kishte mbi 440 kilogramë uranium të pasuruar në nivelin 60 për qind kur Izraeli dhe SHBA-ja sulmuan objektet bërthamore iraniane në qershor të vitit 2025. Ende nuk dihet se sa nga ky material ka mbijetuar pas sulmeve.

Izraeli, SHBA-ja dhe vende të tjera perëndimore e kanë akuzuar prej kohësh Iranin se synon të prodhojë armë bërthamore, por Teherani zyrtar  i mohon këto pretendime.

Uashingtoni ka deklaruar se çështja bërthamore duhet të jetë pjesë e çdo negociate fillestare me Iranin, që synon përfundimin e luftës mes dy vendeve.

Javën e kaluar, një zyrtar i lartë iranian i ka thënë Reutersit se Teherani i kishte dërguar Uashingtonit, përmes Katarit, një propozim për çështjen bërthamore. Megjithatë, ai do të diskutohet vetëm pasi SHBA-ja të përmbushë shtatë kërkesat e paraqitura nga Irani.