LVV ve PDK milletvekilleri Enerji Düzenleme Kurumu Yasa Tasarısı konusunda çatışıyor

Debat dhe përplasje mes deputetëve të Lëvizjes Vetëvendosje (LVV) dhe atyre të Partisë Demokratike të Kosovës (PDK) janë shkaktuar gjatë mbledhjes së Komisionit për Ekonomi, Industri, Ndërmarrësi, Tregti dhe Inovacion, lidhur me rendin e ditës.

Anëtari i komisionit nga Lëvizja Vetëvendosje, Taulant Kelmendi, propozoi që në rendin e ditës të përfshihej edhe shqyrtimi i Projektligjit për Rregullatorin e Energjisë. Ai arsyetoi se projektligji i është dërguar Kuvendit më 6 nëntor 2026 dhe se lidhet me përfitimet e Kosovës nga Plani i Rritjes i Bashkimit Evropian.

“Një propozim është shqyrtimi i Projektligjit për Rregullatorin e Energjisë, për arsye se Qeveria e ka dërguar në Kuvend më 6 nëntor 2026. Ky projektligj lidhet edhe me Planin e Rritjes të BE-së, nga i cili Kosova përfiton një paketë prej 882 milionë eurosh, ndërsa vlerësimi bëhet në faza gjashtëmujore, përkatësisht në këste gjashtëmujore. Për efikasitetin e punës së komisionit tonë, konsiderojmë se është mirë të shtohet si pikë e rendit të ditës. Meqenëse ministrja është këtu dhe është e gatshme ta prezantojë projektligjin, nuk e shoh problem që ta shtojmë si pikë të re të rendit të ditës. E kemi edhe planin e punës”, tha Kelmendi.

Komite başkanı, PDK'lı Arben Mustafa, yasa tasarısının gündeme alınmasına karşı çıkarak, milletvekillerinin tasarıyı incelemek için yeterli zamana sahip olmadığını savundu.

“Të them të drejtën, jam i befasuar me këtë propozim, për shkak se ende nuk janë bërë 24 orë që kur ne si komision e kemi pranuar këtë projektligj. Duke qenë se bëhet fjalë për një projektligj kaq të rëndësishëm, mendoj se deputetët është dashur të kenë kohë të paktën për ta lexuar. Ende nuk janë bërë 24 orë dhe ju kërkoni ta përfshini në rendin e ditës. Në anën tjetër, kemi një muaj që presim ta trajtojmë Ligjin për Efiçiencë të Energjisë, por nuk kemi mundur ta bëjmë këtë, sepse herë nuk vini ju e herë nuk vjen ministrja. Nuk po e kuptoj këtë nguti për këtë projektligj. Duhet të kemi pak respekt edhe për punën e komisionit. Ne, deputetët, nuk kemi ardhur këtu vetëm për t'i kaluar ligjet e Qeverisë, por për t'i trajtuar ato edhe në aspektin përmbajtjesor. Ju lutem të kemi mirëkuptim dhe ta shtyjmë shqyrtimin e këtij projektligji për mbledhjen e radhës. Edhe nëse e trajtojmë sot, ky projektligj nuk mund të hyjë në seancë para dy javësh”, tha Mustafa.

Kelmendi reagoi sërish ndaj kryesuesit të komisionit, duke theksuar se propozimet duhet t'i nënshtrohen votimit dhe jo komentimit.

“Ju jeni kryetar i komisionit, megjithatë jeni i pari në mesin e të barabartëve dhe nuk ka nevojë të komentoni secilin propozim. Nuk ka nevojë askush të komentojë propozimin e tjetrit, pasi për këtë ekziston mekanizmi i votimit”, tha Kelmendi.

Mustafa iu përgjigj duke thënë se deputetët e shumicës mund ta miratojnë propozimin përmes votimit, por, sipas tij, kjo do të dëshmonte se nuk ka pasur kohë të mjaftueshme për shqyrtimin përmbajtjesor të projektligjit.

“Nëse ju mendoni se ky projektligj vetëm duhet të përfshihet në rendin e ditës, i keni votat në komision dhe mund ta kaloni. Mirëpo, kjo tregon se sa i rëndësishëm është për ju ky projektligj. Jam i sigurt se as ti dhe as kolegët e tu nuk keni arritur ta analizoni këtë projektligj për më pak se 24 orë, që nga momenti kur na është dërguar, ndërsa tani dëshironi ta vini në votim vetëm sa për ta kaluar. Kjo është e drejta juaj, por tregon se sa seriozisht e trajtoni këtë çështje”, tha Mustafa.

Në debat u përfshi edhe anëtari i komisionit nga PDK-ja, Mërgim Lushtaku, i cili iu referua nenit 34 të Rregullores së Kuvendit, duke thënë se deputetët duhet të kenë kohë të mjaftueshme për t'i shqyrtuar materialet para mbledhjeve.

“Sipas nenit 34, ne kemi të paktën tri ditë kohë për t'u njoftuar për një pikë të rendit të ditës. E kuptoj që ju jeni mazhorancë dhe jeni më shumë, por jeni një parti për të cilën duket se mendon dikush tjetër, në këtë rast Qeveria, më shumë sesa mendoni ju për veten. Megjithatë, besoj se dikush ka dëshirë t'i lexojë materialet dhe të konsultohet edhe me palë të tjera para se të vijë këtu për të marrë një qëndrim. Këto ligje janë të rëndësishme dhe secili ka kohën e vet sipas Rregullores, për të cilën jemi pajtuar të gjithë deputetët”, tha ai.

Ndërkaq, deputetja e LVV-së, Liza Gashi, kërkoi që gjatë diskutimeve të respektohen dispozitat e Rregullores së Punës, duke theksuar se komisioni ka të drejtë ta ndryshojë agjendën.

“Do ta vlerësoja shumë nëse do t'u kushtonit pak rëndësi parimeve të Rregullores. Sa i përket arsyes pse jemi këtu dhe faktit që e kemi respektuar atë, kjo ka të bëjë me thirrjen e mbledhjes dhe jo me materialet. Në pikën pesë të Rregullores thuhet se komisioni ka të drejtë ta ndryshojë agjendën. Prandaj, ju lutem t'i referohemi Rregullores së Punës. Nuk dua që të bëjmë ndonjë shkelje gjatë votimit. Jemi këtu për të punuar, ndaj ju lutem ta kemi parasysh këtë”, tha ajo.

Në rendin fillestar të ditës së komisionit ishin paraparë miratimi i rendit të ditës dhe i procesverbalit të mbledhjes së 27 tetorit 2026, shqyrtimi në parim i Projektligjit për Efiçiencë të Energjisë, raportimi i anëtarëve të Komisionit të Autoritetit të Konkurrencës së Kosovës, si dhe shqyrtimi i vendimit të presidentes lidhur me Ligjin për Mbrojtjen e Konsumatorit.