Briken Calja ka fituar medalje të artë për Shqipërinë në Lojërat Mesdhetare “Taranto 2026”.
Calja garoi të martën paradite në peshëngritje, në kategorinë deri në 75 kilogramë.
Në peshëngritje janë dhënë medalje për të dy stilet. Në shkëputje, Calja fitoi të artën me peshë maksimale të ngritur prej 154 kilogramë.
Në shtytje, Calja fitoi medalje të bronztë me peshë maksimale të ngritur prej 184 kilogramë.
Shqipëria tani i ka dy të arta, një të argjendtë dhe dy të bronzta në “Taranto 2026”.