Aktori Sir Patrick Stewart ka vdekur dje në moshën 86-vjeçare në shtëpinë e tij në Los Angeles, kanë njoftuar të enjten përfaqësuesit e tij.
Aktori legjendar ishte i njohur më së shumti për rolin e kapitenit Jean-Luc Picard në “Star Trek: The Next Generation” dhe profesor Charles Xavier (profesori X) në serinë e filmave “X-Men”.
“Me pikëllim të thellë njoftojmë ndarjen nga jeta të Sir Patrick Stewart, e cila ndodhi dje në shtëpinë e tij në Los Angeles, nën kujdesin e përkushtuar të bashkëshortes së tij të dashur, Sunny, pas një beteje të shkurtër dhe të vështirë me sëmundjen Alzheimer dhe demencën”, thuhet në njoftimin e përfaqësuesve të aktorit.
“Zëri i tij kumbues dhe talenti i veçantë do të mbeten përgjithmonë sinonim i interpretimeve të paharrueshme në çdo zhanër. Ai e hulumtoi gjendjen njerëzore në të gjithë kompleksitetin e saj poetik dhe solli shpresë jo vetëm në skajet më të largëta të Universit Kinematografik Marvel, por edhe në kufirin e fundit më ikonik të fantashkencës, në bordin e anijes kozmike 'Enterprise'. Ai ishte kalorës, entuziast i sporteve motorike dhe tifoz i përjetshëm i klubit të futbollit Huddersfield. Do të mbahet mend për dinjitetin, dhembshurinë dhe njerëzillëkun që solli në çdo rol – si në art, ashtu edhe në jetën e tij”, vijoi njoftimi.