-
Превела: Вита Абраши-Кајтази
- 3. новембар 2026. 11:55
- Учешће у:
Reperi amerikan Sean “Diddy” Combs mund të lirohet nga burgu pothuajse një muaj më herët nga sa ishte parashikuar. Pas transferimit në një institucion tjetër korrektues në Pensilvani, data e lirimit të tij është ndryshuar sërish, ka shkruar ФемалеФирст.
Sipas të dhënave të Byrosë Federale të Burgjeve në SHBA, Combs pritet të lirohet më 6 shkurt 2028. Fillimisht, lirimi i tij ishte parashikuar për qershor të vitit 2028, por data ishte ndryshuar disa herë.
56-vjeçari po vuan një dënim prej 50 muajsh burgim, pasi u shpall fajtor për dy akuza që lidhen me transportimin e personave me qëllim përfshirjen në prostitucion.
Reperi u transferua së fundmi nga burgu FCI Fort Dix në New Jersey në institucionin FCI Allenwood në Pensilvani. Sipas raportimeve të mediave amerikane, ai tashmë ndodhet në sektorin e përgjithshëm të të burgosurve.
Përfaqësuesi i tij ka deklaruar se janë të kënaqur nëse ky informacion është i saktë dhe se siguria dhe mirëqenia e reperit mbeten përparësi.
“Shpresojmë që ai të vazhdojë ta vuajë dënimin në mënyrë të sigurt”, thuhet në deklaratë.
Gjatë qëndrimit në burgun Fort Dix, Combs ishte përballur me disa masa disiplinore, pas pretendimeve për përdorimin e telefonave celularë të ndaluar dhe për përfshirje në konflikte me të burgosur të tjerë.
Sipas raportimeve të TMZ, ai ishte vendosur për një periudhë në një sektor të veçantë për të burgosurit me probleme disiplinore. Gjithashtu, thuhet se kishte humbur 41 ditë nga krediti i sjelljes së mirë, i cili mund të ndikojë në shkurtimin e dënimit, si dhe privilegjet për blerje në dyqanin e burgut.
Ndërkohë, një zëdhënës i Byrosë Federale të Burgjeve ka deklaruar se institucioni nuk komenton kushtet apo vendndodhjen e të burgosurve për arsye privatësie dhe sigurie.