-
Превела: Вита Абраши-Кајтази
- 29. октобар 2026. 15:00
- Учешће у:
Aktorja Natalie Portman ka treguar se, gjatë adoleshencës, u përpoq me vetëdije të shihej si një vajzë e mirë dhe serioze, pasi rolet e saj të para në film e kishin "seksualizuar" që në moshë të vogël.
Portman, e cila u bë e njohur në vitin 1994 me filmin “Léon: The Professional”, kur ishte vetëm 12 vjeçe, ka thënë se përpiqej të merrte nota të mira dhe të vishej në mënyrë modeste, me veshje të përshtatshme për moshën e saj.
“Meqë më portretizonin si një Lolita të seksualizuar, bëra përpjekje të tregoja se isha serioze, e zgjuar, studente dhe vajzë e mirë. Kjo ishte një mënyrë për t’u mbrojtur”, ka thënë ajo për revistën Харпер'с Базаар.
Aktorja, e cila fitoi çmimin “Oscar” në vitin 2011 për rolin në filmin “Black Swan”, mendon se suksesi i këtij filmi bëri që publiku ta perceptonte si një person shumë serioz dhe perfeksionist.
“Jam shumë gazmore, më pëlqen të qesh dhe të bëj shaka. Njerëzit mendojnë se jam perfeksioniste për shkak të ‘Black Swan’, por në të vërtetë jam e kundërta. Jam tolerante me veten. Në universitet kishim një shprehje: ‘Mjafton të përfundosh, jo të jetë e përsosur’”, u shpreh Portman.
Ajo ka thënë gjithashtu se e ka pasur të vështirë të shkëputet nga imazhi i një aktoreje fëmijë dhe të merret seriozisht nga publiku, edhe pse tashmë ka një karrierë të gjatë.
“Jam 45 vjeçe, pra shumë larg të qenit fëmijë. Mendoj se njerëzit të trajtojnë ndryshe edhe për shkak të shtatit të vogël, dhe kjo bëhet edhe më e ndërlikuar kur ke qenë aktore që në fëmijëri”, ka thënë ajo.
Portman ka kujtuar se kritikat e ashpra ndaj filmave “Star Wars”, ku luajti Padme Amidala, e ndihmuan të mësonte si të përballonte reagimet negative. Edhe pse filmat patën sukses financiar, ajo dhe aktorët e tjerë u kritikuan rëndë.
“Ishte një mësim i rëndësishëm që herët në karrierë: të lexosh gjëra shumë të këqija për veten dhe pastaj të thuash: ‘Do të bëj një film tjetër dhe do t’u tregoj se gabojnë’”, ka thënë aktorja.
Ajo ka pranuar se nuk dëshironte t’u tregonte të tjerëve se sa shumë e lëndonin kritikat, por zgjodhi t’i përdorte ato si motivim për të vazhduar përpara.