-
Превела: Вита Абраши-Кајтази
- 2. новембар 2026. 13:44
- Учешће у:
Këngëtarja e njohur Mariah Carey dëshiron të bashkëpunojë me yllin e rokut Lenny Kravitz dhe ka shfrytëzuar një bisedë me fansat në internet për t’i bërë një ftesë publike.
Gjatë një sesioni pyetje-përgjigjesh në Reddit, një fans i sugjeroi të realizonte një duet me interpretuesin e hitit “American Woman”. Carey, e cila nuk e fshehu admirimin për muzikën e tij, iu përgjigj me entuziazëm, ka shkruar ФемалеФирст.
“Edhe unë e dua Lennyn… Lenny, nëse po e sheh këtë, më telefono!”, ka thënë Carey.
Ndërkohë, këngëtarja foli edhe për albumin e saj të parealizuar muzikor, “Someone’s Ugly Daughter”, një projekt që e incizoi në vitin 1995, por që ende nuk është publikuar.
E pyetur se kur do të mund ta dëgjojnë fansat albumin, 57-vjeçarja ka dhënë një përgjigje të shkurtër.
“Më pyesin për këtë pothuajse çdo javë. Përgjigjja ime është… ende jo. Ky është një sinjal!”, ka thënë ajo.
Carey ka folur disa herë për këtë projekt, duke pranuar se në atë kohë drejtuesit e industrisë muzikore nuk e mbështetën idenë e publikimit të tij.
Në një intervistë për “Apple Music 1”, në vitin 2020, ajo ka shpjeguar se karriera e saj kontrollohej rreptësisht nga drejtuesit muzikorë.
“Pata probleme sepse bëra një album alternativ. Në atë kohë, gjithçka kontrollohej nga njerëzit që kishin pushtet në industrinë e muzikës”, ka treguar këngëtarja.
Ajo kishte menduar edhe ta publikonte albumin në mënyrë anonime, në mënyrë që dëgjuesit ta zbulonin vetë, por kjo ide nuk u realizua.
Megjithatë, albumi u publikua nën emrin e grupit Chick, me shoqen e saj Clarissa Dane në vokalin kryesor. Carey kontribuoi me vokale shoqëruese dhe u incizua me pseudonimin D. Sue.
Në librin e saj me kujtime, “The Meaning of Mariah Carey”, këngëtarja ka shpjeguar se përmes këtij projekti dëshironte të largohej nga imazhi i saj i kuruar dhe të provonte një stil më të lirshëm.
“Doja të çlirohesha, të shprehesha pa kufizime dhe të nxirrja jashtë gjithë trishtimin tim, por doja edhe të argëtohesha”, ka shkruar ajo.