Aktorja e njohur, Anne Hathaway, ka sjellë në jetë fëmijën e saj të tretë, sipas raportimeve të mediave amerikane.
Ylli 44-vjeçar dhe bashkëshorti i saj, Adam Shulman, me të cilin është e martuar që nga viti 2012, janë bërë sërish prindër. Çifti ka edhe dy djem, Jonathan, 10 vjeç, dhe Jack, 7 vjeç.
Lajmi për ardhjen në jetë të foshnjës u bë i ditur nga ТМЗ, pasi aktorja u fotografua në rrugët e New Yorkut me të porsalindurin në një mbajtëse në gjoks. Në fotografi, fytyra e bebes nuk dukej, ndërsa binte në sy një kapelë e vogël ngjyrë vjollcë me një tufë ngjyrë rozë.

Deri më tani, përfaqësuesit e aktores nuk kanë bërë një deklaratë zyrtare.
Anne e kishte bërë publike shtatzëninë në muajin qershor, përmes një fotografie në Instagram, të cilën e kishte shoqëruar me mbishkrimin: “X Bebja, unë jam e jotja x”.

Pavarësisht shtatzënisë, viti 2026 ka qenë mjaft i ngarkuar për aktoren, e cila është përfshirë në disa projekte të mëdha filmike, mes tyre “Mother Mary”, “The Devil Wears Prada 2”, “The Odyssey” dhe “Verity”.
Në një intervistë për Extra, Hathaway ka folur për përvojën e të qenit nënë dhe për sfidat e kombinimit të familjes me karrierën.

“Është e mahnitshme të kuptosh se mund të bësh kaq shumë gjëra edhe kur je plotësisht e lodhur. Është një udhëtim gjatë të cilit zbulon sa shumë forcë ke brenda vetes. Në të njëjtën kohë, merr kaq shumë gëzim dhe dashuri”, u shpreh ajo.
Aktorja shtoi se mëmësia e ka bërë më të duruar dhe më mirëkuptuese, si ndaj vetes, ashtu edhe ndaj të tjerëve.
“Ndien se po rritesh në shumë drejtime. Zgjeron durimin dhe aftësinë për të treguar mirëkuptim. Nuk ka dyshim se kjo përvojë ma ka përmirësuar jetën”, tha Hathaway.
Duke folur për dallimet mes shtatzënisë së tretë dhe dy të parave, ajo ka theksuar se sot gratë flasin më hapur për përvojat e tyre.
“Po përjetojmë një ndryshim në shoqëri. Ka më shumë ndërgjegjësim dhe më pak heshtje për gjërat që dikur ndodhnin vetëm pas dyerve të mbyllura. Tani mund t’i ndajmë këto përvoja dhe të lidhemi me njëra-tjetrën”, ka thënë aktorja.