-
Превела: Вита Абраши-Кајтази
- 11. новембар 2026. 11:30
- Учешће у:
Injeksionet me vitaminë B12 po promovohen gjithnjë e më shumë në rrjetet sociale si një mënyrë e shpejtë për të luftuar lodhjen dhe për të rifituar energjinë. Disa klinika estetike premtojnë se një injeksion mund t’ju bëjë të ndiheni më energjikë brenda një ose dy ditësh, ka shkruar Старатељ.
Por, a funksionon vërtet?
Vitamina B12 është thelbësore për organizmin, por marrja e dozave shtesë nuk do të thotë domosdoshmërisht më shumë energji. Përfitimet janë të dukshme kryesisht te personat që kanë mungesë të kësaj vitamine.
Зашто је витамин Б12 важан?
B12 gjendet natyrshëm në mish, peshk, vezë dhe produkte të qumështit. Ajo ndihmon në prodhimin e rruazave të kuqe të gjakut dhe ADN-së, si dhe në funksionimin normal të sistemit nervor.
Mungesa e saj mund të shkaktojë lodhje të vazhdueshme, anemi, probleme me kujtesën, gjendje depresive dhe, në rastet më të rënda, mpirje ose ndjesi shpimi gjilpërash në duar dhe këmbë.
Kush rrezikon të ketë mungesë të B12?
Mungesa e vitaminës B12 nuk lidhet vetëm me ushqyerjen. Edhe personat që konsumojnë ushqime të pasura me këtë vitaminë mund të kenë vështirësi në përthithjen e saj.
Rreziku është më i lartë te personat mbi 60 vjeç, veganët (personat që hanë vetëm produkte me bazë bimore) dhe disa vegjetarianë që nuk marrin B12 nga ushqimet e fortifikuara ose suplementet, personat me probleme të stomakut dhe zorrëve, si gastriti, sëmundja celiake dhe Crohn, personat që kanë kryer ndërhyrje kirurgjikale në stomak, ata që përdorin për një kohë të gjatë barna për diabetin, si metformina, ose ilaçe që ulin aciditetin e stomakut, si dhe personat që konsumojnë tepër alkool.
A ju jep vërtet më shumë energji vitamina B12?
Përgjigjja varet nga niveli i saj në organizëm.
Nëse keni mungesë të B12, trajtimi mund të ndihmojë në rikthimin e energjisë dhe përmirësimin e simptomave. Por, nëse nivelet janë normale, marrja e sasive shtesë nuk ju bën domosdoshmërisht më energjikë dhe nuk përmirëson performancën fizike.
Hematologia Andrea Dean e krahason këtë me mbushjen e një makine me karburant, nëse rezervuari është tashmë plot, shtimi i më shumë karburanti nuk e bën makinën të ecë më shpejt.
Ajo paralajmëron gjithashtu se ndjesia e energjisë pas injeksionit mund të jetë në disa raste efekt placebo, pra një përmirësim që lidhet me pritshmëritë e personit dhe jo me një efekt real të vitaminës.
Megjithëse B12 konsiderohet përgjithësisht e sigurt edhe në doza të larta, injeksionet mund të jenë shpenzim i panevojshëm për personat që nuk kanë mungesë të saj.
Kur duhet të kontrolloni nivelin e B12?
Lodhja e vazhdueshme nuk shkaktohet gjithmonë nga mungesa e kësaj vitamine. Ajo mund të lidhet edhe me gjumin e pamjaftueshëm, mungesën e hekurit ose problemet me gjëndrën tiroide.
Për këtë arsye, nëse ndiheni vazhdimisht të lodhur, këshillohet të konsultoheni me mjekun dhe të bëni analizat e nevojshme të gjakut.
Niveli i B12 kontrollohet përmes një analize të thjeshtë gjaku. Nëse rezultati është kufitar dhe keni simptoma, mjeku mund të kërkojë edhe analiza të tjera për të konfirmuar mungesën.
Si trajtohet mungesa e vitaminës B12?
Mungesa e B12 mund të trajtohet me tableta ose injeksione.
Injeksionet rekomandohen për personat me mungesë të rëndë, simptoma neurologjike ose probleme që pengojnë përthithjen e vitaminës, si anemia pernicioze.
Për shumë persona të tjerë, tabletat mund të jenë po aq efektive sa injeksionet në rritjen e nivelit të B12 në gjak dhe zakonisht kushtojnë më pak.