Unitedi fitoi 3:2 ndaj Romës të martën në “Old Trafford”, në ndeshjen e vlefshme për xhiron e katërt të Championsit. Fitorja ishte skajshmërisht dramatike.
Skuadra italiane shënoi dy gola të hershëm. Matias Soule realizoi për 1:0 në minutën e 11-të, ndërsa Donyell Malen realizoi penallti në minutën e 17-të. Pas golit të dytë të italianëve, tifozët e Unitedit protestuan duke hedhur topa të tenisit në fushë.
Megjithatë Unitedi u kthye në pjesën e dytë. Bruno Fernandes shënoi për 2:1 në minutën e 58-të. Ai konkretizoi penallti.
Për 2:2 shënoi Matheus Cunha në minutën e 83-të. I njëjti lojtar shënoi për 3:2 në minutën e 86-të, ndërsa u përjashtua në minutën e 91-të.
Unitedi e shënoi fitoren e dytë dhe tani mban vendin e 17-të me gjashtë pikë. Roma është e 19-ta me katër pikë.
Ndërkohë Interi fitoi 3:0 në udhëtim ndaj Feyenoordit.
LASK-u fitoi 4:0 ndaj Slovan Bratislavës, kurse Bodo/Glimt e Lille luajtën pa gola.
