Një përplasje e ashpër institucionale ka shpërthyer në Poloni sot në mbrëmje, ku gjyqtarja e Gjykatës Kushtetuese, Anna Korwin-Piotrowska, ka pezulluar kryetarin e kësaj gjykate, Bogdan Swieczkowski, dhe zëvendësin e tij, Bartłomiej Sochanski, duke kërkuar edhe ndërhyrjen e policisë.
Pas zhvillimeve, presidenti i Polonisë, Karol Nawrocki, ka vendosur të ndërpresë vizitën zyrtare në Senegal dhe të kthehet urgjentisht në vend.
Korwin-Piotrowska ka marrë përkohësisht drejtimin e Gjykatës Kushtetuese pas pezullimit të dy drejtuesve të saj. Ajo ka kërkuar praninë e policisë në objektin e gjykatës, me arsyetimin se mund të ketë kërcënim për sigurinë e gjyqtarëve dhe punonjësve.
Policia ka konfirmuar se kanë shkuar në ndërtesën e gjykatës pas incidenteve jashtë saj, ku, sipas policisë, janë hedhur objekte të rrezikshme në drejtim të zyrtarëve.
Видео:
🚨BREAKING: Thousands of Polish patriots are arriving outside the high courts of Poland to STOP the Tusk-EU COUP The REAL Europe is behind them! 🇵🇱 https://t.co/8rYYdOWuRn
— Иневитабле Вест (@Иневитаблевест) 30. октобар 2026.
BREAKING: 🇵🇱 Coup d'état underway in Poland Coup d'état underway in Poland after EU-aligned Prime Minister Donald Tusk sent police forces to the Constitutional Tribunal in Warsaw right after President Nawrocki left for Senegal for a diplomatic visit. Nawrocki is currently headed back to Poland. The President of the Polish Constitutional Tribunal in Warsaw, Bogdan Swieczkowski, was suspended and possibly arrested. He is a known support of President Nawrocki. Several right-wing Polish MPs and their supports are reportedly on their way to the Constitutional Tribunal to defend the institution from being taken over by Donald Tusk. Warsaw's police forces are preventing the President of the Constitutional Tribunal Bogdan Święczkowski, members of the Sejm and protesters from entering the Constitutional Court.
— Мегатрон (@Мегатрон_рон) 30. октобар 2026.
Kreu i partisë opozitare Ligji dhe Drejtësia (PiS), Jaroslaw Kaczynski, e ka cilësuar këtë zhvillim si “grusht shteti” dhe i ka bërë thirrje presidentit Nawrocki të ndërhyjë.
Pas kësaj, Nawrocki ka njoftuar se po ndërpret udhëtimin drejt Senegalit.
“Në një moment si ky, presidenti duhet të jetë në Poloni. Po e anuloj udhëtimin tim drejt Senegalit. Po kthehem”, ka shkruar ai në rrjetin social X.
Përplasja buron nga një konflikt politik dhe institucional për përbërjen e Gjykatës Kushtetuese, i cili ka bllokuar praktikisht punën e saj.
Qeveria e kryeministrit Donald Tusk nuk i njeh vendimet e gjykatës për shkak të gjyqtarëve të emëruar gjatë qeverisjes së mëparshme të partisë PiS. Në anën tjetër, presidenti Nawrocki dhe kryetari i pezulluar i gjykatës, Swieczkowski, nuk i njohin gjyqtarët e zgjedhur nga parlamenti në vitin 2026.
Në fillim të këtij viti, Nawrocki kishte refuzuar të dekretonte tre nga gjashtë gjyqtarët e propozuar nga parlamenti, ndërsa Swieczkowski nuk i kishte lejuar gjyqtarët e zgjedhur nga shumica aktuale parlamentare të merrnin detyrën. Në mesin e tyre është edhe Korwin-Piotrowska, të cilën presidenti kishte refuzuar ta dekretonte dhe të cilën kryetari i gjykatës më herët e kishte penguar të merrte pjesë në punimet e saj.
Sipas ligjit polak, kryetari i Kushtetueses mund të pezullohet deri në një muaj nga një gjyqtar i kësaj gjykate në rrethana të caktuara, kur kërkohet mbrojtja e autoritetit të gjykatës ose interesave të shërbimit. E drejtimi i Gjykatës sipas ligjit i takon gjyqtares me përvojën më të gjatë, që është Korwin-Piotrowska.