Aktivistja e shoqërisë civile Mirishahe Syla, ka thënë se rastet e vrasjes së grave dhe të dhunës ndaj tyre po rriten pasi që shteti nuk po i dënon kryesit e veprave si dhe personat përgjegjës në institucione nuk po i kryejnë përgjegjësitë për të cilat janë thirrur.
Syla në emisionin “Konfront” në KTV ka thënë se rasti i Arlinda Zekajt, e cila u vra të dielën në Pejë, edhe njëherë e ka dëshmuar se sa shumë shteti dështon t’i kryej detyrat e veta bazike, që sipas saj, janë të ofrojë siguri dhe drejtësi për të gjithë.
“Kur përsëritet raste të tilla kaq shumë edhe kur ka njerëz që nuk i kanë kryer detyrat e tyre për të cilat janë thirrur dhe shteti nuk i bën ata përgjegjës për moskryerjen e detyrave, kjo është një tregues që ata mund të vazhdojnë në të njëjtën mënyrë, ashtu si ju tregon edhe burrave që përderisa kemi pasur rritje të rasteve të raportuara të dhunës çdo vit e më shumë, dhunuesit, burrat kryesish duke e parë që edhe nëse të raporton dikush, ndoshta përfundon me 300 euro dënim, 48 orë në paraburgim, ndoshta me një muaj dënim dhe lirohesh, këta mandej kanë marr zemër që mund të jenë të tillë edhe shteti nuk i dënon”, është shprehur Syla.
Ajo ka thënë se rastet e tilla ndodhin për shkak të mungesës së vullnetit të personave të thirrur për t’i kryer këto përgjegjësitë e tyre.
Арлинда Зекај (49) је убијена секиром у недељу увече у Витомирици, Пећ. Осумњичени је њен зет, који је ухапшен у уторак након три дана бекства. Три дана пре него што је убијена, пријавила је опасност у писму Тужилаштву у Пећи.
