Edhe qytetarë të Mitrovicës po protestojnë të premten duke kërkuar drejtësi pas vrasjes së Arlinda Zekajt, të cilën dyshohet se e kreu ish-kunati i saj, Albert Sylaj i cili është arrestuar dhe gjendet në paraburgim.
“Gjumi s’ka me ju marrë, flaka ka me ju dalë” i shkruar në baner ishte mesazhi kryesor i tyre.
Ata protestuan nga sheshi i qytetit te Stacioni Policor në Mitrovicë e më pas edhe te Gjykata Themelore.
Po ashtu, protestuesit u mblodhën edhe para Qendrës për Punë Sociale në Mitrovicë dhe në objekt u shkrua: “shteti i ka duart me gjak”.
