-
Traducido por: Vita Abrashi-Kajtazi
- 2 de noviembre de 2026 22:10
- Compartir a:
Modelja, këngëtarja dhe aktorja Suki Waterhouse ka rrëfyer lumturinë që po përjeton në marrëdhënien me aktorin Robert Pattinson, me të cilin është në një lidhje që prej vitit 2018. Çifti ka së bashku një vajzë dyvjeçare dhe, pavarësisht angazhimeve të shumta profesionale dhe udhëtimeve të shpeshta, ka arritur ta ruajë marrëdhënien e mirë.
En una entrevista para la revista Sunday Times Style, 34-vjeçarja ka pranuar se mbajtja gjallë e një lidhjeje nuk është gjithmonë e lehtë kur të dy partnerët kanë karriera të ngarkuara dhe kalojnë shumë kohë larg njëri-tjetrit.
“Është pothuajse një dekadë së bashku dhe kjo është diçka e bukur. Ndonjëherë mendoj se nuk mund ta besoj që e kam këtë në jetën time dhe që jam kaq e lumtur”, u shpreh ajo.
Waterhouse ka zbuluar gjithashtu se planet për martesën me Pattinson, 40 vjeç, janë shtyrë për momentin, me çiftin që shpreson të gjejë më shumë kohë të lirë vitin e ardhshëm.
“Nëse do ta bënim, do të ishte një festë e madhe. Do të organizonim diçka madhështore”, ka thënë këngëtarja.
Jeta familjare e çiftit është ndikuar nga angazhimet profesionale, duke i detyruar të qëndrojnë në banesa me qira dhe të zhvendosen çdo disa muaj. Megjithatë, të dy përpiqen të qëndrojnë sa më shumë pranë vajzës së tyre.
“Që kur u bëra nënë, kemi qenë vazhdimisht në lëvizje. Kemi jetuar në banesa me qira dhe jemi zhvendosur çdo disa muaj. Kemi qëndruar kudo që kemi mundur të krijojmë një bazë dhe të jemi bashkë si familje”, ka treguar ajo.
Waterhouse ka thënë se ndihet e sigurt në rolin e saj si nënë dhe beson se ajo dhe Pattinson po ia dalin mbanë, pavarësisht jetës së pazakontë që bëjnë.
“Jam shumë e bindur se jemi prindër të mirë. Të dy jemi shumë të lidhur me vajzën tonë. Ajo është një vajzë e mrekullueshme dhe e lumtur”, u shpreh aktorja.
Ajo ka folur gjithashtu për ndryshimet e thella që solli mëmësia në jetën e saj, duke pranuar se nuk e kishte kuptuar se sa shumë do të ndryshonte pas lindjes së vajzës. Përvoja ka ndikuar edhe në krijimin e albumit të saj të ri, “Loveland”.
“Mendon se do të lindësh një fëmijë dhe pastaj do t’i kthehesh jetës si më parë, sikur gjithçka të jetë e lehtë. Por nuk është kështu. Mëmësia të ndryshon thellësisht. Ndihesh sikur nuk je më i njëjti person, sepse ke kaluar një transformim personal që nuk e kishe imagjinuar”, ka rrëfyer Waterhouse.