-
Traducido por: Vita Abrashi-Kajtazi
- 4 de noviembre de 2026 12:15
- Compartir a:
Prezantuesi amerikan, Jimmy Kimmel, ka ironizuar presidentin Donald Trump pas rezultateve të zgjedhjeve afatmesme të vitit 2026, ku demokratët fituan shumicën si në Dhomën e Përfaqësuesve, ashtu edhe në Senat. Rezultati është konsideruar një goditje e fortë për Trump dhe Partinë Republikane.
Gjatë monologut të emisionit të tij, “Jimmy Kimmel Live!”, komediani 58-vjeçar komentoi fitoren e demokratëve me disa batuta drejtuar presidentit, ka shkruar El reportero de hollywood.
“Fitorja e demokratëve është tashmë zyrtare. Faleminderit, president Trump! Vala blu ka mbërritur dhe tani fillon disfata e republikanëve”, ka thënë Kimmel me ironi.
VIDEO:
Ai nuk la pa përmendur as deklaratat e fundit të Trumpit, duke shtuar se pas gjithë vëmendjes që presidenti u kishte kushtuar të tjerëve, tashmë kishte marrë vetë një goditje të fortë politike.
Kimmel bëri gjithashtu shaka me reagimin e Trumpit gjatë natës së zgjedhjeve, duke pretenduar se presidenti kishte ndjekur transmetimet e Fox News dhe ishte zemëruar aq shumë sa po hidhte sende drejt televizorit.
Ndërkohë, disa personazhe të njohur të Hollywoodit reaguan ndaj rezultatit.
Aktori Henry Winkler ka shkruar në rrjetin social X: “Ëndrrat bëhen realitet”, ndërsa këngëtarja dhe aktorja Bette Midler u shpreh e entuziazmuar.
“Jam jashtëzakonisht e lumtur! Çfarë nate e mrekullueshme. Faleminderit, Amerikë! Ju shpëtuat vendin tuaj të dashur!”, ka shkruar ajo.
Nga ana tjetër, Trump ka deklaruar se është i gatshëm të bashkëpunojë me demokratët dhe të pranojë rezultatet e zgjedhjeve.
“Jam plotësisht i gatshëm t’i pranoj këto rezultate. Do të punojmë me demokratët dhe shpresojmë të gjejmë gjuhën e përbashkët”, ka thënë ai për The New York Times.
Megjithatë, në një reagim në rrjetin e tij Truth Social, Trump pretendoi se republikanët do të kishin fituar me rezultat dërrmues nëse ai vetë do të ishte kandidat në zgjedhje.
Ndërsa në një intervistë për Fox News, ai ka thënë se ishte disi i befasuar nga humbja dhe fajësoi disa kandidatë republikanë, duke thënë se kishte pritur rezultate më të mira.
Trump paralajmëroi gjithashtu se do të përdorë të drejtën e vetos ndaj nismave të demokratëve që, sipas tij, nuk do të jenë të pranueshme.