-
Traducido por: Vita Abrashi-Kajtazi
- 4 de noviembre de 2026 17:28
- Compartir a:
Për rreth 150 vjet, temperatura 37°C është konsideruar si norma për trupin e njeriut. Megjithatë, studimet e fundit tregojnë se njerëzit sot kanë një temperaturë mesatare më të ulët sesa paraardhësit e tyre. Shkencëtarët po përpiqen të kuptojnë nëse kjo lidhet me përmirësimin e shëndetit dhe kushtet moderne të jetesës apo me mënyrën se si janë kryer matjet në të kaluarën, ka shkruar BBC.
Në vitet 1860, mjeku gjerman Carl Wunderlich ka analizuar temperaturën e rreth 25 mijë pacientëve, duke kryer më shumë se një milion matje gjatë 15 vjetëve. Nga këto të dhëna, ai përcaktoi se temperatura mesatare e një të rrituri të shëndetshëm ishte 37°C, vlerë që për një kohë të gjatë u përdor si standard mjekësor.
Por kërkimet më të reja tregojnë se kjo shifër mund të mos jetë më e saktë. Një studim i Universitetit Stanford, i cili analizoi të dhënat e afro 190 mijë personave në SHBA, ka zbuluar se temperatura mesatare e të rriturve sot është rreth 36.4°C.
¿Por qué sucede esto?
Një nga shpjegimet kryesore lidhet me përmirësimin e kushteve të jetesës dhe shëndetit. Sipas studiueses Julie Parsonnet nga Universiteti Stanford, njerëzit në të kaluarën vuanin më shpesh nga infeksione dhe sëmundje kronike, si tuberkulozi, dizenteria dhe infeksionet e dhëmbëve.
Kur organizmi lufton vazhdimisht infeksionet, sistemi imunitar shpenzon më shumë energji, duke prodhuar edhe më shumë nxehtësi. Sot, falë vaksinave, higjienës më të mirë dhe kujdesit shëndetësor, trupi përballet më rrallë me këto probleme.
Një tjetër faktor është mënyra moderne e jetesës. Ngrohja qendrore dhe klimatizimi na mbajnë në ambiente me temperatura të kontrolluara, duke bërë që organizmi të shpenzojë më pak energji për të ruajtur temperaturën e tij.
Megjithatë, jo të gjithë shkencëtarët janë të bindur se rënia lidhet vetëm me ndryshimet biologjike. Eksperti i sëmundjeve infektive Philip Mackowiak sugjeron se matjet e mjekut Wunderlich mund të kenë qenë më të larta për shkak të termometrave të vjetër, të cilët nuk ishin të kalibruar siç duhet. Për më tepër, në atë kohë temperatura matej në sqetull, ndërsa sot përdoren edhe metoda të tjera.
Katër faktorë që ndikojnë në temperaturën e trupit
Edad: Personat e moshuar zakonisht kanë temperaturë më të ulët, pasi metabolizmi ngadalësohet dhe organizmi shpenzon më pak energji.
Género: Gratë kanë mesatarisht temperaturë pak më të lartë se burrat, megjithëse arsyeja e saktë nuk është kuptuar plotësisht.
Ora e ditës: Temperatura është zakonisht më e ulët në orët e hershme të mëngjesit dhe arrin kulmin pasdite, rreth orës 16:00-18:00.
Gjatësia dhe pesha: Sipas studiuesve, gjatësia më e madhe mund të lidhet me temperaturë pak më të ulët, ndërsa pesha më e lartë me një rritje të lehtë të saj.
A duhet të ndryshojë norma prej 37°C?
Disa burime të rëndësishme mjekësore tashmë kanë filluar ta konsiderojnë 37°C si një pikë orientuese dhe jo si temperaturë të vetme normale për të gjithë.
Ekspertët theksojnë se nuk duhet të shqetësohemi për ndryshime shumë të vogla, pasi temperatura prej 36.9°C nuk ndryshon ndjeshëm nga 37.1°C.
Megjithatë, temperaturat nën 35°C ose mbi 40°C te të rriturit mund të jenë shenjë e një problemi serioz shëndetësor dhe kërkojnë vlerësim të menjëhershëm mjekësor.