Lëvizja Vetëvendosje dhe Partia Demokratike e Kosovës (PDK) janë ende duke negociuar se si të procedojnë tutje me Ligjin për Gjykatën Speciale. Kryesuesi i Komisionit për Legjislacion njëherësh deputet i VV-së, Vigan Qorrolli, pas përfundimit të mbledhjes ka deklaruar se dakordimi final pritet të bëhet brenda seancës së Kuvendit.
Qorrolli, që është edhe jurist, ka thënë se ka frikë që nëse votohet ligji pa ndryshuar asgjë nuk do të jetë i zbatueshëm.
Sipas asaj që u tha në Komision, PDK-ja po kërkon që të rrëzohet vetoja e presidentes Justina Shiroka-Pula dhe ligji të hyjë pastaj automatikisht në fuqi. E më pas të bëhen ndryshime përmes amendamenteve.
E VV-ja po do që të ketë krejtësisht nismë të re ligjore.
