Këshilli i Prindërve të Shkollës “Ismail Qemali” në Prishtinë ka ftuar të gjithë prindërit që nesër të mos i dërgojnë fëmijët në këtë shkollë në shenjë reagimi për mungesën e mirëmbajtjes dhe pastrimit të ambientit.
Siç thuhet në kërkesën e këtij Këshilli, drejtuar prindërve, përpjekjet e institucioneve përgjegjëse dhe njoftimet për marrëveshje me sindikatën, nuk përbëjne garanci se do të rifillojnë menjëherë shërbimet e pastrimit.
Tutje thuhet se janë raportuar edhe disa raste të reaksioneve alergjike te fëmijët të cilat konsiderohen se duhet të marrin edhe vlerëismin e autoriteteve kompetente shëndetësore.
“Duke marrë parasysh gjendjen tejet shqetësuese higjieno-sanitare në shkollën tonë, mungesën e një zgjidhjeje konkrete për problemin e pastrimit dhe mirëmbajtjes, si dhe rrezikun e mundshëm që këto kushte paraqesin për shëndetin e fëmijëve tanë, ju njoftojmë se: TË PREMTEN, MË 6 NËNTOR 2026, BOJKOTOHET NË TËRËSI PROCESI MËSIMOR NË SHFMU ‘ISMAIL QEMALI’”, thuhet në njoftim.
Aviso completo:
NJOFTIM I RËNDËSISHËM PËR TË GJITHË PRINDËRIT E SHFMU “ISMAIL QEMALI” – PRISHTINË @all
Estimados padres,
Duke marrë parasysh gjendjen tejet shqetësuese higjieno-sanitare në shkollën tonë, mungesën e një zgjidhjeje konkrete për problemin e pastrimit dhe mirëmbajtjes, si dhe rrezikun e mundshëm që këto kushte paraqesin për shëndetin e fëmijëve tanë, ju njoftojmë se:
TË PREMTEN, MË 6 NËNTOR 2026, BOJKOTOHET NË TËRËSI PROCESI MËSIMOR NË SHFMU “ISMAIL QEMALI”.
Ky është vendim i Këshillit të Prindërve të Shkollës (KPSH), si reagim ndaj gjendjes së krijuar dhe mungesës së garancive konkrete për sigurimin e një ambienti të pastër dhe të sigurt për nxënësit.
Pavarësisht përpjekjeve dhe komunikimeve të vazhdueshme me institucionet përgjegjëse, situata ende nuk ka marrë zgjidhje të qëndrueshme. Njoftimet për marrëveshje në mes të sindikatës dhe Komunës nuk përbëjnë garanci se shërbimet e pastrimit do të rifillojnë menjëherë dhe se shkolla do të ofrojë kushte të pranueshme higjienike.
Shqetësimi ynë është edhe më i madh pasi janë raportuar raste të reaksioneve alergjike te fëmijët, të cilat kërkojnë vlerësim nga autoritetet kompetente shëndetësore.
Ne nuk mund të vazhdojmë të qëndrojmë indiferentë përballë kësaj situate.
Dëshirojmë të jemi shumë të qartë:
Nuk jemi kundër procesit mësimor. Përkundrazi, kërkojmë që ai të zhvillohet rregullisht dhe në kushte dinjitoze.
Respektojmë plotësisht të drejtat dhe kërkesat e punëtorëve që janë në grevë.
Nuk kërkojmë privilegje apo kushte të jashtëzakonshme. Kërkojmë vetëm të drejtën themelore të çdo fëmije: një shkollë të pastër, të shëndetshme dhe të sigurt.
Kërkojmë nga Komuna e Prishtinës, Drejtoria e Arsimit dhe institucionet përgjegjëse ndërhyrje të menjëhershme, pastrim të plotë të ambienteve shkollore dhe një zgjidhje të qëndrueshme që garanton mirëmbajtjen e vazhdueshme.
Arsimimi është e drejtë themelore, por kjo e drejtë nuk mund të realizohet duke cenuar shëndetin dhe sigurinë e fëmijëve.
Prandaj, ftojmë të gjithë prindërit që nesër, më 6 nëntor 2026, të mos i dërgojnë fëmijët në shkollë, duke iu bashkuar këtij reagimi paqësor dhe të përbashkët.
Ky veprim nuk ndërmerret për të dëmtuar procesin arsimor, por për të kërkuar përgjegjësi dhe veprime konkrete nga ata që kanë detyrimin të garantojnë kushtet për zhvillimin e tij.
SHËNDETI I FËMIJËVE TANË NUK ËSHTË I NEGOCIUESHËM!
Ju lutemi të gjithë përfaqësuesve të prindërve që ta shpërndajnë këtë njoftim në grupet përkatëse të klasave, në mënyrë që secila familje të informohet me kohë.
Ju falënderojmë për mirëkuptimin, solidaritetin dhe përgjegjësinë e përbashkët.
Con Respeto,
Keshilli i prinderve
SHFMU "Ismail Qemali" – Pristina