-
Μετάφραση: Vita Abrashi-Kajtazi
- 9 Νοεμβρίου 2026 10:05
- Μοιράστε σε:
Pronarët e të drejtave autoriale muzikore të këngëtarit të ndjerë, Elvis Presley, dhe kompania “Eight Mile Style” që administron qindra këngë të reperit Eminem kanë ngritur padi të reja ndaj platformës “Suno”, duke e akuzuar se po e përdor inteligjencën artificiale (AI) për të kopjuar zërat, stilin dhe krijimtarinë e artistëve pa leje, ka shkruar Ποικιλία.
Në padinë e ngritur në Kaliforni, përfaqësuesit e trashëgimisë muzikore të Presleyt pretendojnë se “Suno” lejon përdoruesit të krijojnë këngë që imitojnë zërin karakteristik të mbretit të rockut, pa marrë leje dhe pa paguar për përdorimin e identitetit të tij.
Ata argumentojnë se kjo përbën shkelje të ligjit amerikan të vitit 2024, të njohur si “ELVIS Act”, i cili synon të mbrojë zërin dhe imazhin e artistëve nga kopjimi i paautorizuar përmes inteligjencës artificiale.
Ndërkohë, “Eight Mile Style” e akuzon “Sunon” se lejon krijimin e këngëve dhe teksteve që imitojnë veprat e Eminemit, përfshirë hite si “Lose Yourself”, “Without Me” dhe “The Real Slim Shady”. Vetë reperi nuk është palë në këtë padi.
Sipas avokatëve që përfaqësojnë të dyja palët “Suno” po përfiton financiarisht nga puna dhe identiteti krijues i artistëve, pa marrë autorizimin e tyre.
Në padinë për Presleyn, ata paralajmërojnë se kjo teknologji mund të rrezikojë të ardhmen e krijimtarisë njerëzore.
“Elvisi i ardhshëm nuk do të marrë një kitarë në dorë”, shkruajnë avokatët, duke argumentuar se AI-ja mund të prodhojë brenda pak sekondash atë që një muzikanti i duhen vite për ta mësuar dhe përsosur.
Ata shtojnë se kjo mund t’i bëjë brezat e rinj të pyesin veten nëse ia vlen të nisin një karrierë muzikore, kur teknologjia mund të imitojë punën e tyre pa leje dhe pa shpërblim.
Nga ana tjetër, “Suno” i ka mohuar akuzat. Një përfaqësues i kompanisë ka deklaruar se platforma është krijuar për të ndihmuar njerëzit të prodhojnë muzikë të re dhe origjinale, jo për të përfituar nga emri apo identiteti i artistëve.
“Ne nuk lejojmë kërkesa që përdorin emrat e artistëve apo titujt e këngëve të tyre dhe punojmë vazhdimisht për të forcuar masat mbrojtëse kundër keqpërdorimit”, thuhet në deklaratën e kompanisë.
Këto nuk janë paditë e para kundër “Sunos”. Më herët, këngëtari Jason Isbell dhe disa muzikantë të tjerë e kanë akuzuar platformën se u mundëson përdoruesve të imitojnë identitetin e artistëve edhe duke shmangur kufizimet e saj, për shembull përmes kërkesave që përshkruajnë mënyrën e të kënduarit apo stilin e tyre. Edhe këto pretendime janë mohuar nga “Suno”.
Ndërkohë, përfaqësuesit e Presleyt kanë ngritur padi edhe ndaj kompanisë “Anthropic”, duke pretenduar se chatboti i saj “Claude” është trajnuar me 274 këngë të këngëtarit pa autorizim. Ata kërkojnë 48.6 milionë dollarë dëmshpërblim.
“Eight Mile Style” ka paditur gjithashtu kompaninë “Meta”, duke kërkuar rreth 110 milionë dollarë për përdorimin e paautorizuar të 243 incizimeve të Eminemit në platformat Facebook, Instagram dhe WhatsApp.
“Suno” përballet edhe me padi të tjera nga kompani të mëdha diskografike, përfshirë “Universal Music Group” dhe “Sony Music Entertainment”. Megjithatë, problemet ligjore nuk duket se e kanë penguar rritjen e saj pasi në muajin qershor, kompania siguroi 400 milionë dollarë investime, duke arritur një vlerësim prej 5.4 miliardë dollarësh.